Smákökur Jólasveinsins

Innihald

• 2 og 1/2 dl mjúkt smjör eða smjörlíki
• 2 dl sykur
• 2 dl púðursykur
• 1 egg
• 5 dl hveiti
• 1 tsk matarsódi
• 1/2 tsk salt
• 2 og 1/2 dl saxaðar hnetur (valhnetur, pekanhnetur eða heslihnetur)
• 300 gr siríus konsum suðusúkkulaði

Aðferð

– Hitið ofninn í 190°C.
– Þeytið saman smjör, sykur og púðursykur.
– Bætið egginu útí og hrærið vel.
– Bætið hveitinu, matarsódanum og saltinu í deigið og hrærið.
– Setjið hneturnar og súkkulaðið útí og setjið deigið á plötu, sem klædd er með bökunarpappír.
– Notið teskeið til að móta kökurnar og hafið 5 cm. á milli.
– Bakið í 8 – 10 mín.
– Kælið kökurnar á rist og geymið í lokuðu íláti.