Jólakaka tengdó

Innihald

• 150 gr smjörlíki
• 175 gr sykur
• 2-3  egg
• 500-600 gr hveiti
• 3-4 tsk lyftiduft
• sítrónudropar
• rúsínur
• mjólk eftir þörfum

Aðferð

Gott er að taka saman það sem á að fara í kökuna og passa að smjörlíkið sé mjúkt og að bæði egg og mjólk séu ekki alveg beint úr kæliskápnum.

Hrærið saman sykur og smjörlíki/smjöri þar til hræran er létt og ljós…

Eggjum bætt í hræruna, eitt og eitt í einu og hrært vel á milli.  Best er að brjóta egginn, eitt egg í senn í bolla/skál og því svo bætið út í hræruna.

Þetta er gert til að forðast að brot úr skurninni lendi saman við sykurhræruna.

Hveiti og lyftidufti  er blandað saman og  sett út í hræruna ásamt mjólkinni og sítrónudropunum þar til degið er mátulega lint, og hrært þar til allt er vel blandað saman.

Rúsínunum er svo blandað út í í lokin.